Tha slighe Lesley Stiùbhart air a bhith èigeantach tro mhulad phearsanta na beatha agus a thaobh spòrs, ach le cuideachadh luchd-obrach ann an institiùd spòrs spòrsalba (SIS) agus Urchaireachd Targaididh na h-Alba (STS), thàinig a mòr-mhiann mu chom-pàirteachadh sna Parailimpigean gu bith.
Thòisich Lesley ag urchaireachd às dèidh a leigeil mu sgaoil bhon arm. Chaidh a comharrachadh le diostòinia a bha a’ ciallachadh aig deireadh gnothaich gum feumadh a cas a thoirt dhith fon ghlùin. Fhad ’s a bha i ann an aonad ath-shlànachaidh armailteach, thòisich Lesley air urchaireachd agus shoirbhich leatha gu mòr.
Bha e a’ coimhead coltach ri gum biodh Lesley a’ farpais aig Parailimpigean Rio 2016. Ach le urchaireachd no dhà aice ri chrìochnachadh fhathast airson a teisteanais, thàinig droch ghabhaltachd don bhunan coise aice, a’ ciallachadh gun do lean sin gu faisg air bliadhna san ospadal agus sgathadh a coise os cionn a glùine.
Chuir i seachad suas ri bliadhna san ospadal agus cha b’ urrainn dhi tilleadh gu urchaireachd gu 2019. Bheachdaich i air an spòrs air an robh i cho measail a leigeil seachad, ach an àite sin a bhith mar dheireadh na sgeòil thionndaidh seo a-mach gu bhith na chaibideil ùr mìorbhaileach na beatha.
Thòisich Lesley ag obair gu dlùth le eòlaichean bho SIS, agus ri taobh Coidse Gnìomhaidh STS, Anndra Rosach, chaidh uallach a chur orra Lesley fhaighinn deiseil a thaobh oidhirp air teisteanachadh airson Tokyo 2020.
Beag air bheag agus gu cinnteach, dh’obraich Lesley a slighe air ais a dh’ionnsaigh na h-ìre as fheàrr a th’ aice. Choisinn an obair chruaidh sin urchaireachd chudromach dhi aig Spòrs Para Urchaireachd na Cruinne aig Cupa na Cruinne ann am Peru. B’ e sin an cothrom mu dheireadh aig Lesley air com-pàirt a ghabhail ann an an Tokyo, agus ghabh i e a’ buannachadh bonn umha. Ann an 2021, thàinig an aisling aice mu bhith a’ farpais aig na Parailimpigean gu bith.
Thuirt Lesley an uair sin: “Tha an ìre de thaic a tha mi a’ faighinn a’ dèanamh diofar anabarrach. Tha e a’ toirt mòran cuideim dhem ghuailnean. Tha a bhith a’ tuigsinn gu bheil daoine eile air do chùlaibh, agus gu bheil iad a’ toirt cothrom dhut cuimseachadh air na nithean a dh’fheumas tu, a’ ceadachadh a’ chothruim dhòmhsa gnìomhadh aig an ìre as fheàrra a th’ agam. Chan eil uimhir agam ri smaoineachadh mu dheidhinn.”